काठमाडौं। भारतीय टेलिभिजन रियालिटी शो ‘बिग बोस १६’को उपाधि र्यापर एमसी स्टानले जितेका छन् । शिव ठाकरे उपविजेता भए । यो सिजन चार महिनासम्म चलेको थियो । पुरस्कारस्वरूप स्टेनले ३१ लाख भारु र एउटा लक्जरी कार पाए । यसअघि, स्टेन एमटिभीका विजेता भइसकेका छन् ।
प्रियंका चाहर चौधरी, ठाकरे र स्टान शीर्ष ३ फाइनलमा पुगेका थिए । प्रियंका अन्तिममा बाहिरिइन् । स्टानले सबैभन्दा बढी मत पाएका छन् । कार्यक्रमको फाइनल करिब ५ घण्टासम्म चलेको थियो ।
शोको फाइनलमा सलमानले आफ्नो आगामी फिल्म ‘किसी का भाइ किसीकी जान’ को गीत ‘नैयो लग्दा’ सार्वजनिक गरेका थिए । यस गीतमा सलमान अभिनेत्री पूजासँग स्क्रिनमा रोमान्स गर्दै देखिएका छन् । उनले यो गीत भ्यालेन्टाइन डेको अवसरमा विशेष रुपमा सार्वजनिक गरेका हुन् ।
धेरै टिभी र बलिउड स्टार कास्ट पनि शोको फाइनलमा पुगेका थिए । यसै क्रममा अभिनेता सनी देओल र अमिषा पटेल आफ्नो आगामी फिल्म ‘गदर २’ को प्रमोसन गर्न पुगेका थिए । ।
Facebook Comment
Comment