न्युयोर्क। प्राविधिक कम्पनी याहूले आमूल परिवर्तन योजनाअन्तर्गत आफ्नो कुल कर्मचारीको २० प्रतिशतभन्दा बढी कटौती गर्ने भएको छ । कम्पनीमा ८ हजार ६ सय जनाले काम गर्छन्।
याहूले आफ्नो विज्ञापन इकाईलाई पुनर्गठन गर्न लागेका कारण यस विभागका आधाभन्दा बढी मानिसहरूले यो महिना भित्र जागिर गुमाउनुपर्ने बताएको छ ।
बीबीसीका अनुसार कम्पनीको पुनर्संरचनाको काम सुरु भइसकेको र यो साताको अन्त्यसम्ममा करिब एक हजार कर्मचारी जागिर कटौतीबाट प्रभावित भएका छन् ।
कम माग, उच्च मुद्रास्फीति र बढ्दो ब्याजदरसँग संघर्ष गरिरहेका कम्पनीहरूबीच यस सम्बन्धमा याहूको घोषणा पछिल्लो हो। क
म्पनीका एक प्रवक्ताले बीबीसीलाई भने, ‘यी निर्णयहरू कहिल्यै सजिलो हुँदैनन्, तर हामी विश्वास गर्छौं कि दीर्घकालीन रूपमा यी परिवर्तनहरूले हाम्रो विज्ञापन व्यवसायलाई बलियो बनाउनेछ र याहूलाई आफ्ना ग्राहक र साझेदारहरूलाई अझ राम्रो मूल्य प्रदान गर्न सक्षम बनाउनेछ।’
निजी इक्विटी फर्म अपोलो ग्लोबल म्यानेजमेन्टले सन् २०२१ मा याहूलाई पाँच अर्ब डलरमा किनेको थियो।
Facebook Comment
Comment