सौन्दर्य प्रतियोगिताका नाममा बालिका बलात्कार गर्ने पाण्डेलाई ७ वर्ष कैद

नेपालभ्युज

काठमाडौं । सौन्दर्य प्रतियोगिताको नाममा बालिकामाथि जबर्जस्ती करणी गरेकोमा दोषी ठहर भएका मनोज पाण्डेलाई जिल्ला अदालत काठमाडौंले ७ वर्ष कैद सजाय सुनाएको छ ।

अदालतले पाण्डेलाई ७५ हजार रुपैयाँ क्षतिपूर्ति दिन पनि भनेको छ । न्यायाधीश दीपक ढकालको इजलासले सोमबार पाण्डेलाई ७ वर्ष कैद र पीडितलाई ७५ हजार रुपैयाँ क्षतिपूर्ति दिने सजाय निर्धारण गरेको हो ।

८ वर्षअघि सौन्दर्य प्रतियोगिताको नाममा एक किशोरीलाई नशालु पदार्थ खुवाएर बलात्कार गरेको अभियोग उनलाई लागेको थियो । तर बलात्कार मुद्दा दायर गर्न हदम्याद नाघिसकेका कारण मानव बेचबिखनसम्बन्धी मुद्दा चलाइएको थियो ।

यो मुद्दामा उनी यसअघि नै दोषी ठहर भएका थिए ।