मौसम धुम्म भए पनि पानी नपर्ने, हिउँ भने पर्ने सम्भावना

उनले भने ‘‘ धेरै स्थानमा बादल लागेको छ। तर पानी पर्ने सम्भावना छैन। बरु सुदूरपश्चिम र कर्णाली प्रदेशका उच्च पहाडी र हिमाली जिल्लामा हल्का हिमपात हुनेछ।’’

नेपालभ्युज

मौसम धुम्म भए पनि पानी नपर्ने, हिउँ भने पर्ने सम्भावना

काठमाडौं। काठमाडौं उपत्यकासहित देशका धेरै ठाउँमा अहिले बादल लागेर मौसम धुम्म छ । बिहान केहीबेर घाम लागे पनि दिउँसोदेखि मौसम धुमिल छ।

पश्चिमी न्यून चापीय प्रणालीको प्रभावका कारण काठमाडौंसहित धेरै ठाउँमा बादल लागेको मौसम पूर्वानुमान महाशाखाले जनाएको छ।

बदल लागे पनि पानी पर्ने सम्भावना भने नरहेको मौसमविद्हरू बताउँछन्। उनले भने ‘‘ धेरै स्थानमा बादल लागेको छ। तर पानी पर्ने सम्भावना छैन। बरु सुदूरपश्चिम र कर्णाली प्रदेशका उच्च पहाडी र हिमाली जिल्लामा हल्का हिमपात हुनेछ।’’

यसपालिको हिउँदमा वर्षा भएको छैन। सुदूरपश्चिम, कर्णाली र लुम्बिनी प्रदेशका केही ठाउँमा वर्षा भए पनि अन्य क्षेत्रमा पानी परेन। पानी नपर्दा प्रदूषणसँगै सुक्खापन बढ्दै गएको छ।

आज सुदूरपश्चिम र कर्णालीमा हल्का वर्षाको अनुमान गरिए पनि पश्चिमी न्यून चापीय प्रणाली खासै सक्रिय नभएकाले सम्भावना कम छ।


Comment

Leave a Reply

Your email address will not be published. Required fields are marked *

थप समाचार

Copyright © 2024 Digital House Nepal Pvt. Ltd. - All rights reserved