इरानी सेनाको हतियार निर्माण केन्द्रमा ठूलो विष्फोट, ड्रोन आक्रमण असफल पारेको सरकारी दाबी

नेपालभ्युज

एजेन्सी। इरानको मध्यभागमा पर्ने इस्टहान शहरमा सैन्य क्याम्पमा ठूलो विष्फोट भएको छ ।

इरानको सरकारी सञ्चारमाध्यमले हथियार निर्माण गर्ने एक केन्द्रमा विष्फोट भएको बताएको छ । इरानी रक्षा मन्त्रालयले साना खालका ड्रोनको माध्यमबाट आक्रमण भएको जनाएको छ ।

मन्त्रालयले भनेको छ, ‘मानवरहित ड्रोनबाट आक्रमण गरिएको थियो, तीनवटा आक्रमण भएकोमा विष्फोटसँग असफल पारिएको छ । यसबाट वर्कसपको छतमा नोक्सानी भएको छ ।’

सामाजिक सञ्जालमा आएका भिडिओहरूमा व्यस्त सडकको किनारमा अवस्थित सैन्य अड्डामा ठूलो धमाका भएको र पछि धुवाँ उडेको देखिन्छ ।

इस्फहान शहर इरानको परमाणु कार्यक्रमसँग जोडिएको क्षेत्र हो । यहाँ युरेनियम प्रशोधन केन्द्र छ । पछिल्लो आक्रमणमा इजरेलको संलग्नता हुन सक्ने इरानले आरोप लगाएको छ ।