हिटर ताप्दा ध्यान दिने कुरा

एजेन्सी । जाडो महिना चलिरहेको छ । साँझ-बिहानको समयमा चिसो अझै त्यति घटिसकेको छैन । जाडो छल्नका लागि ब्लोअर अर्थात् हिटरको प्रयोग गरिन्छ ।

तर, हिटर चलाउन नजान्दा स्वास्थ्यमा असर पर्ने र दुर्घटनासमेत हुन सक्ने भएकाले एकदमै ध्यान दिन जरुरी हुन्छ ।

हिटर चलाउँदा ध्यान दिनुपर्ने कुराहरू :

• ग्यास हिटरबाट उत्पन्न हुने कार्बन मोनोअक्साइड ग्यास स्वास्थ्यका लागि हानिकारक हुने भएकाले कोठा बन्द गरेर हिटर बाल्नुहुँदैन ।
•  हिटरलाई वेलावेलामा बन्द गर्ने गर्नुपर्दछ । प्रयोग नभएको वेलामा हिटर सधैँ बन्द गर्नुपर्छ । सुत्न जानुभन्दा अगाडि ब्लोअर पूर्ण रूपमा बन्द गर्नुपर्छ ।
•  हिटरनजिकै बसेर ताप्नु हुँदैन । यसले छाला सुक्खा हुने, आँखामा समस्या आउने र नाकमा रक्तनली फुट्ने समस्या देखापर्छन् ।
• बालबालिकाको पहुँच पुग्ने ठाउँ, बाटोमा ग्यास हिटर र विजुली हिटर राख्न हुँदैन ।
• मुटु, श्वास–प्रश्वासलगायतका बिरामीले ब्लोअरको प्रयोग गर्नुहुँदैन ।
• हिटर तापेर बस्दा पानी, चिया, कफीजस्ता पेयपदार्थ सेवन गर्नु उचित हुन्छ । यसले छाला सुक्खा हुने समस्याबाट बचाउँछ ।
• ब्लोअरअगाडि छिट्टै आगो टिप्ने वस्तु, कागतजन्य चिज राख्नुहुँदैन ।