काठमाडौं। लन्डनस्थित नेपाली दूतावासले ‘युके सिजनल भिसा अन्तर्वार्ता मिति परिवर्तन बारेमा’ कुनै पनि आधिकारिक सूचना जारी नगरेको हुँदा उक्त झुटा सूचनालाई आधार मानी भिसा आवेदन नगर्न तथा नगराउन आग्रह गरेको छ ।
बेलायतमा मौसमी कामदार पठाउने बहानामा ठगी गर्ने गिरोहले दूतावासको लेटरप्याड र छाप प्रयोग गरी भिसा अन्तर्वार्ता मिति परिवर्तन भएको भन्ने सूचना सार्वजनिक भएपछि दूतावासले यस्तो सूचना जारी गरेको हो ।
नक्कली सूचनालाई आधार मानी वैदेशिक रोजगारीका लागि पहल गरी ठगिएमा दूतावास जवाफदेही नहुने भन्दै दूतावासको विज्ञप्तिमा सचेत हुन आग्रह गरिएको छ ।
बेलायत सरकारले सन् २०२३ का लागि ४० हजार मौसमी कामदार लिने निर्णय गरेको छ । गत वर्ष २० हजार विदेशी कामदार लगेको बेलायतले आगामी वर्षका लागि १० हजार कोटा थप गरेको छ । घण्टाको १२ दशमलव १९ पाउन्ड तलब पाउने कृषि तथा पोल्ट्रीफर्मका लागि शैक्षिक योग्यता तोकिएको छैन भने उमेर १८ वर्ष पुगेको हुनुपर्नेछ ।
तर, नेपालका केही व्यक्ति र गिरोहले ६ देखि १० लाखसम्म असुलेको घटनाहरू सार्वजनिक भएका छन् । सिजनल कामदारका लागि बेलायत सरकारले पाँचवटा बेलायती एजेन्सीलाई मात्रै अनुमति दिएको छ ।
मेरो पढाई छ कक्षा मात्रहो मेरो घर गाउँ मा हो म खेती किसानी गर्ने ब्यक्ति हो म सारै गरीब छु मलाई यो भिसा मिल्यो भने मेरो पनि भबीस् बन्ने थियो मेरो ठूलो छोरी ब्याजदर सेकेण्ड ईयर छोरो यघार सानो छोरी आठ मा मेरो पांच जनाको परीवार छ मलाई घर चलाउन अतिनै गारो भयको छ मेरो जन्म 2037/05/19अहीले डकर्मी काम गरी रहेको छु मलाई यो भीसा हुन्छ सर