काठमाडौं । रुपन्देही -२ मा पुन: मतदानको माग गर्दै राष्ट्रिय स्वतन्त्र पार्टीका उम्मेदवार गणेश पौडेलले सर्वोच्च अदालतमा रिट दायर गरेका छन् । पौडेलले उक्त रिट निवेदनमा आफूहरूलाई मतगणनास्थलमा प्रवेश निषेध गरी कर्मचारीले विष्णु पौडेललाई विजेता घोषणा गरेको जनाएका छन् ।
उनले निर्वाचन अधिकृतको कार्यालयले अनियमित रूपमा विष्णु पौडेललाई निर्वाचित भएको घोषणा गरिएको मतपरिणाम बदर गरी पुन: मतदान तथा मतगणनाको माग गरेका हुन् ।
रुपन्देही-२ मा नेकपा एमालेका उपाध्यक्षसमेत रहेका विष्णु पौडेल २७ हजार १ सय ६५ मतसहित विजयी भएका थिए भने पौडेलले २५ हजार ७ सय ९५ मत पाएका थिए ।
पौडेलको रिट भने दर्ता हुन बाँकी रहेको सर्वोच्च प्रशासनले जनाएको छ ।
Facebook Comment
Comment