नेप्से १५ अंकले घट्दा कारोबार डेढ अर्बमा खुम्चियो

नेपाल भ्युज

नेप्से १५ अंकले घट्दा कारोबार डेढ अर्बमा खुम्चियो

काठमाडौं। सोमबार सेयर बजारमा १५ अंकमाथिको गिरावट आएको छ । नेपाल राष्ट्र बैंकले आइतबार चालू आर्थिक वर्ष २०७९-८० को मौद्रिक नीतिको पहिलो त्रैमासिक समीक्षा गरे लगत्तै सोमबार नेप्से सूचकमा १५ अंक माथिको गिरावट आएको हो ।

यसदिन नेप्से सूचक १५.६१ अंकले घट्दै १९५०.३७ अंकमा झरेको छ भने कारोबार रकममा समेत गिरावट आउँदै १ अर्ब ४९ करोड ४३ लाख रुपैयाँ बराबरको सेयर कारोबार भएको छ । अघिल्लो दिन झन्डै ३३ अंकले नेप्से घटेको बजारमा २ अर्ब २ करोड रुपैयाँ बराबरको सेयर कारोबार भएको थियो ।

आज म्युचुअल फन्ड र ट्रेडिङ समूहको उपसूचक बाहेक अन्य सबै उपसूचक ऋणात्मक भएका छन् । सबैभन्दा बढी फाइनान्स समूहको उपसूचक १.५१ प्रतिशतले घटेको छ भने म्यानु एन्ड प्रो समूहको १.४१ प्रतिशतले, डेभलपमेन्ट बैंक समूह १.३८ प्रतिशतले, हाइड्रोपावर समूह १.२२ प्रतिशतले घटेको छ ।

यता म्युचुअल फन्ड र ट्रेडिङ समूहको उपसूचक भने क्रमशः ०.२४ प्रतिशत र ०.१६ प्रतिशतले बढेका छन् ।

Leave a Reply

Your email address will not be published. Required fields are marked *

थप समाचार

Copyright © 2023 Digital House Nepal Pvt. Ltd. - All rights reserved