चितवनका तीन स्थानमा शङ्कास्पद वस्तु भेटिए

नेपालभ्युज

चितवनका तीन स्थानमा शङ्कास्पद वस्तु भेटिए

चितवन। आम निर्वाचनको अघिल्लो दिन चितवनका तीन स्थानमा शङ्कास्पद वस्तु भेटिएको छ।

जिल्ला प्रहरी कार्यालय चितवनका अनुसार भरतपुर महानगरपालिका-१० आँखा अस्पताल नजिक र वडा नं १२ आस्था चोकमा शङ्कास्पद वस्तु भेटिएको हो। जिल्ला प्रहरी कार्यालयका प्रवक्ता प्रहरी नायब उपरीक्षक विजयराज पण्डितका अनुसार दुई स्थानमा नै निर्वाचन विरोधी गतिविधि गर्ने समूहले प्रेसरकुकरमा शङ्कास्पत वस्तु राखेका हुन्।

निर्वाचनको समयमा त्रास फैलाउनका लागि यस्तो गरिएको हुनसक्ने जिल्ला प्रहरी कार्यालय चितवनले जनाएको छ। उक्त वस्तुलाई आज बिहान निस्क्रिय पारिएको प्रहरीले जनाएको छ। यस्तै भरतपुर माहानगरपालिका-१६ वडा कार्यालय नजिक सिलिण्डरमा आगो लगाएर छाडेको पाइएको पण्डितले बताए। सो सिलिण्डरलाई सुरक्षित स्थानमा राखिएको उनले जानकारी दिए।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved