काठमाडौं । भारतबाट पेट्रोलियम पदार्थको भाउ बढेर आएको छ । भारतीय आयल कर्पोरेशनले पेट्रोलियम पदार्थको भाउ बढाएर पठाएको बिहिबार नेपाल आयल निगमले विज्ञप्तिमार्फत् जनाएको छ ।
डिजल र हवाई इन्धनको मूल्य धेरै बढेको निगमले जनाएको छ । नयाँ मूल्यसूचीअुनसार पेट्रोलमा प्रतिलिटिर ६१ पैसा, डिजलमा प्रतिलिटिर ५ रुपैयाँ ७६ पैसा, मट्टीतेलमा प्रतिलिटर ४ रुपैयाँ ०१ पैसा र हवाई इन्धनमा प्रतिलिटर ४ रुपैयाँ ७७ पैसा र एलपी ग्यासको मूल्य भने केही घटेर आएको निगमले विज्ञप्तिमा जनाएको छ ।
निगमका अनुसार १५ दिनमा डिजलमा प्रतिलिटर १२ रुपैयाँ १४ पैसा र खाना पकाउने ग्यासमा २ सय २८ रुपैयाँ ८४ पैसा प्रतिसिलिन्डर घाटा रहेको छ । पेट्रोल, हवाई इन्धन र मट्टीतेलमा भने केही नाफा रहेको छ ।
नेपाली बजारमा हाललाई पेट्रोलियम पदार्थको साविकको खुद्रा बिक्री मूल्य यथावत् राख्ने निगमले निर्णय गरेको छ ।
Facebook Comment
Comment