पाकिस्तान र इङ्ल्याण्ड दोस्रो जितको खोजीमा

नेपालभ्युज

काठमाडौं । पाकिस्तान र इङ्ल्याण्डबीचको तेस्रो टी–२० खेल आज शुक्रबार हुँदैछ । पाकिस्तानको कराँचीमा हुने खेलमा दुवै टोली नेपाली समयअनुसार राति सवाँ ८ बजे आमने सामने हुनेछन् । दुवै राष्ट्र दोस्रो जितको खोजीमा मैदानमा प्रतिस्पर्धा गर्नेछन् ।

७ टी–२० खेलको सिरिज अन्तर्गत पहिलो खेलमा इङ्ल्याण्डले पाकिस्तानलाई ६ विकेटले पराजित गरेको थियो । दोस्रो खेलमा भने घरेलु टोलीले इङ्ल्याण्डलाई १० विकेटले पराजित गर्‍यो ।

सोहि क्रममा पाकिस्तानका लागि मोहम्मद रिजवानले र बाबर अजामले नटआउट २ सय ३ रनको साझेदारी गरे । यो कुनै पनि देशले लक्ष्य पछ्याउने क्रममा गरेको सबैभन्दा ठूलो ओपनिङ साझेदारीको रेकर्ड हो ।