त्रिवि शिक्षण अस्पतालमा भर्ना भए डा.गोविन्द केसी

नेपाल भ्युज

त्रिवि शिक्षण अस्पतालमा भर्ना भए डा.गोविन्द केसी

काठमाडौं । अनशनरत डा.गोविन्द केसीको  स्वास्थ्य अवस्था थप जटिल बन्दै गएपछि  बुधबार उपचारका लागि त्रिवि शिक्षण अस्पतालमा भर्ना गरिएको छ।

विभिन्न ७ बुँदे माग राख्दै  धनगढीमा विगत  १०  दिनदेखी अनसन बसेका डा केसीले  अस्पतालबाटै भए पनि अनशन जारी राख्ने उनका सहयोगी डा. अमृत जैसीले जानकारी दिए ।

मंगलबार नै नेपाली सेनाको हेलिकप्टरमा सरकारले  काठमाडौं ल्याउन खोज्दा अस्वीकार गरेका उनी बुधबार आफ्नै खर्चमा धनगढीबाट काठमाडौं आएका हुन् ।

अनशन सुरु गरेको दोस्रो दिनदेखि डा. केसीको स्वास्थ्यमा समस्या देखिएपछि उनलाई सेती प्रादेशिक अस्पतालको आईसीयुमा भर्ना गरिएको थियो ।

सेती अञ्चल अस्पतालले उनको शरीरमा पोषणतत्व र पानीको असन्तुलनले बेहोस हुन सक्ने जोखिम रहेको बताएको छ ।

सरकारी वार्ता टोली र डा. केसी पक्षबीच आइतबार र मंगलबार काठमाडौंमा वार्ता भएपनि  कुनै सहमति जुटेको छैन ।

Leave a Reply

Your email address will not be published.

थप समाचार

लोकप्रिय (यो साता)

Copyright © 2022 Digital House Nepal Pvt. Ltd. - All rights reserved