अस्ट्रेलियाको तास्मानियामा १४ वटा ह्वेल मरे

अस्ट्रेलियाली राज्य तास्मानियास्थित समुद्रको किनारमा दर्जनभन्दा बढी ह्वेल मरेका छन्। त्यहाँका अधिकारीहरूले १४ वटा ह्वेल मरेको भेटिएको जनाएका छन् । तर, ती ह्वेल के कारणले मरे भन्ने थाहा भइसकेको छैन।

नेपालभ्युज

अस्ट्रेलिया। अस्ट्रेलियाली राज्य तास्मानियास्थित समुद्रको किनारमा दर्जनभन्दा बढी ह्वेल मरेका छन्। त्यहाँका अधिकारीहरूले १४ वटा ह्वेल मरेको भेटिएको जनाएका छन् । तर, ती ह्वेल के कारणले मरे भन्ने थाहा भइसकेको छैन।

तास्मानियाको किङ आइल्यान्डस्थित सामुद्रिक किनारमा भेटिएका मृतक ह्वेल खतराको सूचीमा रहेको स्पर्म ह्वेलको प्रजातिका रहेका स्थानीय समाचार संस्था एबीसीले जनाएको छ ।
घटनास्थल पुगेका स्थानीयले मरेका ह्वेल भेटिएको स्थानमा गन्ध आइरहेको र रगत देखिएको जनाएको छ।

सामुद्रिक संरक्षण कार्यक्रमका अधिकारी, विज्ञ तथा पशु चिकित्सकलाई उक्त स्थानमा अनुसन्धानका लागि पठाइएको अधिकारीहरूको भनाइ छ । उक्त स्थानमा थप ह्वेल फसे÷नफसेको बारे विमानमार्फत खोजी गरिने भएको छ । मृतक पाइएका ह्वेलको लम्बाइ १८ मिटरसम्म रहेको र तौल ४५ टनसम्म भएको जनाइएको छ ।