दाङमा एउटा टिपरमा आगजनी, बन्दकर्ताले आगजनी गरेको आशंका

बबई खोलाको पुल नजिक बिहानै घोराहीबाट लमहीका लागि छुटेको रा १ ख १६९४ नम्बरको टिपरमा आगजनी भएको छ।

नेपालभ्युज

दाङ। दाङमा एउटा टिपरमा आगजनी भएको छ । बबई खोलाको पुल नजिक बिहानै घोराहीबाट लमहीका लागि छुटेको रा १ ख १६९४ नम्बरको टिपरमा आगजनी भएको छ। आगजनीका कारण टिपरको अगाडिको भाग जलेको जिल्ला प्रहरी कार्यालय दाङका एसपी सुरेश काफ्लेले जानकारी दिए। बन्दकर्ताले टिपर आगजनी गरेको आशंका गरिएको उनले बताए ।

दाङमा बन्दको आंशिक प्रभाव परेको छ । छोटो दूरीका गाडी चलिरहेका भए पनि लामो दूरीका गाडी चल्न सकेका छैनन् । बन्दका कारण घोराही, तुलसीपुर, लमही, भालुवाङ मुख्य बजार बन्द छन् ।