श्रीलङ्काका पूर्वराष्ट्रपति राजापाक्षे यसै महिना स्वदेश फर्कने, अमेरिकी ग्रिनकार्डको लागि आवेदन

कोलम्बो।  थाइल्याण्डमा रहेका श्रीलङ्काका पूर्व राष्ट्रपति गोटाबाया राजापाक्षे यसै अगस्ट महिनाको २५ तारिखमा स्वदेश फर्कने तयारी गरेका छन् । सुरक्षाको कारण देश छाडेका उनि केहि समयको लागि स्वदेश फर्कन थालेका श्रीलङ्काको पत्रिका डेली मिररले जनाएको छ ।

सुरक्षा चिन्ताको कारणले थाइल्यान्डमा सुरुमा अपेक्षित रूपमा हिँड्ने स्वतन्त्रता थिएन्। बैंकक पुगेपछि थाई प्रहरीले पूर्व राष्ट्रपतिलाई सुरक्षाका कारण घरभित्रै बस्न सल्लाह दिएको थियो ।

बैंकक पोष्ट अखबारले रिपोर्ट गरेको छ कि, पूर्व राष्ट्रपति हाल बसेको होटेल र स्थानको बारेमा खुलासा गरिएको छैन । राजापाक्षेको सुरक्षा सुनिश्चित गर्न विशेष शाखा ब्यूरोका सादा पोशाकका प्रहरीहरू तैनाथ गरिएको छ। यस महिना श्रीलंका फर्किएपछि मन्त्रिपरिषद्ले राजापाक्षेलाई सरकारी घर र सुरक्षा दिने विषयमा छलफल गर्ने  रिपोर्टमा भनिएको छ।

राजापाक्षे गत महिना माल्दिभ्स र त्यसपछि सिंगापुर गएका थिए । उनी मेडिकल भिसामा सिंगापुर प्रवेश गरेका थिए र सकेसम्म त्यहाँ बस्नको लागि दुई पटक म्याद थपेका थिए। उनको भिसा थप नबढाउन नसकेपछि राजापाक्षे र उनकी श्रीमती थाइल्याण्ड गएका थिए । थाई सरकारले तेस्रो गन्तव्यको टुङ्गो नलागेसम्म उनी त्यहीँ बस्न सक्ने आश्वासन दिएको छ । तर अब थाइल्याण्डमा उनको आवतजावतमा प्रतिबन्ध लगाइएपछि उनी स्वदेश फर्किनेछन् ।

यसैबीच, भागेर माल्दिभ्स र सिङ्गापुर पुगेका श्रीलङ्काका पूर्व राष्ट्रपति गोटाबाया राजापाक्षेले अमेरिकामा स्थायी बसोबासको लागि ग्रिनकार्डको लागि आवेदन दिएका छन् । अमेरिका जानको लागि उनले प्रक्रिया थालेका भारतीय सञ्चारमाध्यम एनडीटीभी हिन्दीले जनाएको छ । उनले आफ्ना वकिललाई अमेरिका पठाएर ग्रिन कार्डको प्रक्रिया अघि बढाएका हुन् । गोटाबाया राजापाक्षेले सन् २००५ देखि २०१९ सम्म अमेरिकी नागरिक भएकाले ग्रिन कार्ड पाउन सजिलो हुन् सक्ने खबरमा उल्लेख छ ।  चुनाव लड्नको लागि भन्दै राजापाक्षेले सन् २०१९ मा अमेरिकी नागरिकता त्यागेका थिए । राजापाक्षे श्रीलङ्काको स्थल सेनाका सेवानिवृत्त कर्मचारी हुन् ।