अमेरिकामा परेको भनिएको मुद्दाको बारेमा यस्तो भन्छन् रवि लामिछाने

फेसबुकमार्फत जवाफ दिँदै उनले लेखेका छन्, ‘‘अमेरिकामा आफ्नो जायजेथा बेच्दा, सबै ऋण नतिरी बेच्न मिल्दैन। मैले सबै तिरोतारो सकिसकेको छु। न मेरो ऋण बाकी छ न मेरो नाममा कुनै सम्पत्ति नै छ।’’

नेपालभ्युज

काठमाडौं। राष्ट्रिय स्वतन्त्र पार्टीका सभापति रवि लामिछानेले अमेरिकामा आफ्नो ऋण र सम्पत्ति बाँकी नरहेको दाबी गरेका छन्।

केही अमेरिकी बैंकले लामिछानेलाई प्रतिवादी बनाएर मेरिल्यान्ड राज्यमा मुद्दा दर्ता गरेको र समग्रमा उनीविरुद्ध ९ वटा मुद्दा दर्ता भएको भन्ने बारे सोसल मिडियामा आइरहँदा उनले आफूविरुद्ध कुनै मुद्दासमेत बाँकी नरहेको बताएका हुन्।

सबैले प्रक्रिया त पूरा गर्नैपर्छ भन्दै उनले ओपन लेखिएको एउटा केसमा तिर्नुपर्दैन भनेर वादीले नै फिर्ता गरेको भोलुन्टेरी डिस्मिस्ड लेखेको बताएका छन्।