प्रचण्ड पुगे हिरोसिमा संग्रहालय, आणविक बम खसेको ठाउँ अवलोकन

नेपालभ्युज

काठमाडौं। नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्डले’ जापानको हिरोसिमा संग्रहालयको अवलोकन गरेका छन् ।

पाँच दिने भ्रमणको लागि जापान पुगेका प्रचण्डले आणविक बम खसालिएको ठाउँमा बनाइएको संग्रहालयको अवलोकन गरेका हुन् । प्रचण्डले हिजो फेस्टिभलको उद्घाटन गरेका थिए ।

दोस्रो विश्वयुद्धको क्रममा अमेरिकाले दुई जापानी सहर हिरोसिमा र नागासाकीमा परमाणु बम खसाल्दा झण्डै २ लाख १० हजार जनाको ज्यान गएको अनुमान छ ।

बम खसालेको ठाउँमा वर्षौँसम्म झारपात समेत उम्रिएका थिएनन् ।