कमल गाउँपालिकाका १६० घर उच्च जोखिममा

कमल गाउँपालिकाका घनश्याम धिमाल र धनमाया तामाङको दुई ओटा सुगुर फार्म बगाएको छ। वडा नं. ६ र ७ का घरपरिवार जोखिममा छ। कमलखोलाले केम्पा बजारपूर्व कमलपुल घाटउत्तर पुरानो बाँधसमेत भत्काएको छ।

नेपालभ्युज

कमल गाउँपालिकाका १६० घर उच्च जोखिममा

बनियानी। सोमबार रातिदेखि आएको अविरल वषाले जिल्लाका नदी तथा खोलामा पानीको बहाव बढ्दा जमिन कटान शुरु भएको छ।

कमल गाउँपालिका–५, ६ र ७ नं वडामा रतुवा नदीले कटान गर्न शुरु गरेको रेडक्रस सोसाइटी झापाका सभापति लोकराज ढकालले जानकारी दिए। त्यस्तै कमल–६ को खयरबारीमा जनताको तटबन्धअन्तर्गत निर्माण गरिएको बाँधमा पनि कटान शुरु भएको छ।

सोही गाउँपालिकाका घनश्याम धिमाल र धनमाया तामाङको दुई ओटा सुगुर फार्म बगाएको छ। वडा नं. ६ र ७ का घरपरिवार जोखिममा रहेको रेडक्रस झापाले जनाएको छ। कमलखोलाले केम्पा बजारपूर्व कमलपुल घाटउत्तर पुरानो बाँधसमेत भत्काएको छ।

यता रतुवा खोलाले गौरादह–५ र ६ को कोहवरा उत्तर टङ्वाका करिब ६० घर डुबानमा परेका छन् भने गौरादह–६ को लेलिया डाँगीमा १२५ घरको दुवैतर्फबाट रतुवाखोला बगेकाले उच्च जोखिममा परेका छन्। गौरादह–६ कै दामुनाखोला सुकुम्बासी बस्तीमा पस्दा ३५ घर उच्च जोखिममा परेका छन्।

वर्षाका कारण शिवसताक्षी नपा–४ सन्थाल बस्ती (सुकुम्बासी बस्ती) मा कमल–बनियानी खोलाको पानी पसेको छ। खोला बस्ती पस्दा त्यहाँका ३० घर डुबानमा परेको छ। बस्तीमा करिब चार फिट पानी पसेपछि सो बस्तीका १०६ जनालाई स्थानीय त्रिभुवन मावि राखिएको नेपाल रेडक्रस सोसाइटी झापाले जनाएको छ।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved