आमाको मृत्यु, बाबु जेलमा : चार बच्चाको बिचल्ली

नेपालभ्युज

आमाको मृत्यु, बाबु जेलमा : चार बच्चाको बिचल्ली

सुर्खेत। कालिकोटमा आमाको मृत्यु भइसकेका र बुवा जेलमा रहेका चार बच्चाको बिचल्ली भएको छ।

नरहरिनाथ गाउँपालिका– ९ लालु भाटगाउँकी ३२ वर्षकी रामपुरा बुढा (बोहरा) को मृत्यु हुँदा उनका चार जना बालबच्चा बिचल्लीमा परेका हुन्।

बुढा (बोहोरा)को घरमा नै बिरामी भएर २ असारमा जिल्ला अस्पताल लैजाँदै गर्दा बाटोमै मृत्यु भएको थियो।

बाबु ३७ वर्षका दुर्गबहादुर बोहरा (दोभान) करीब २ वर्षअघि हात-हतियार निर्माणको मुद्दामा पक्राउ परेर जिल्ला कारागारमा कालिकोटमा छन्।

आमाको साहरामा हुर्किरहेका उनका १२ वर्षीय छोरी बिना बोहरा, १० वर्षकी छोरी ममता बोहरा ८ वर्षको छोरा विशाल बोहरा र ६ वर्षको छोरा प्रवीन बोहरा बिचल्लीमा परेका हुन्।

आमाको मृत्यु भएपछि बिचल्लीमा परेका बालबालिकाहरू अहिले आफन्तको घरमा बसिरहेको नरहरिनाथ गाउँपालिका –९ का वडाध्यक्ष प्रदिप बोहराले जानकारी दिए।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved