निर्वाचन आयोगको कामबारे टिप्पणी गरेपछि पोखराका मेयरलाई २४ घण्टे स्पष्टीकरण (पत्रसहित)

आयोगको काममाथि प्रश्न गरेको भन्दै आचार्यलाई स्पष्टीकरण सोधिएको हो। उनले आयोगको नियतका कारण धेरै मत बदर भएको आशयको अभिव्यक्ति दिएका थिए।

नेपालभ्युज

काठमाडौं। पोखरा महानगरपालिकाका नवनिर्वाचित मेयर धनराज आचार्यले २४ घण्टे स्पष्टीकरण पत्र पाएका छन्। उनलाई निर्वाचन आयोगले २४ घण्टे स्पष्टीकरण सोधेको हो।

आचार्यले एक कार्यक्रममा निर्वाचन आयोगको बदनियतका कारण स्थानीय तहमा निर्वाचनमा ठूलो संख्यामा मत बदर भएको आक्षेप लगाएका थिए। उनले प्रमुख निर्वाचन आयुक्त संवैधानिक निकायको मर्यादामा नबसेकै कारण ५० प्रतिशतभन्दा बढी मत बदर भएको दाबी गरेका थिए।

सोही विवषयलाई लिएर आयोगले आचार्यलाई स्पष्टीकरण सोधेको हो। आयोगको पत्रमा २४ घण्टाभित्र ती विषयहरुमा प्रष्ट पार्नका लागि आयोगले पत्र पठाएको छ।