ट्र्याक खुलेको पाँच वर्षपछि डोल्पाको त्रिपुराकोटसम्म चल्न थाल्यो यातायात

महीना दिनदेखि सवारीसाधन कतै नरोकिएर त्रिपुराकोट पुगेपछि सर्वसाधारण हर्षित भएका छन्। करपगाड र खदाङमा बेलीब्रिज बनेपछि यो सम्भव भएको हो।

नेपालभ्युज

ट्र्याक खुलेको पाँच वर्षपछि डोल्पाको त्रिपुराकोटसम्म चल्न थाल्यो यातायात

जाजरकोट। ट्र्याक खुलेको पाँच वर्षपछि जाजरकोटबाट डोल्पाको त्रिपुराकोटसम्म सिधा यातायात सेवा सञ्चालन भएको छ। भेरी नदीको बीच–बीचमा बेलीब्रिज निर्माण भएपछि सिधा यातायात सञ्चालन भएको हो।

दुई ठाउँमा बेलीब्रिज बनेपछि मालबाहक तथा सवारीसाधन त्रिपुराकोटसम्म पुगेका हुन्। डोल्पाको त्रिपुरासुन्दरी नगरपालिको त्रिपुराकोटमा गाडी पुगेपछि स्थानीयवासी हर्षित भएका छन्।

महीना दिनदेखि सवारीसाधन कतै नरोकिएर त्रिपुराकोट पुगेपछि सर्वसाधारण हर्षित भएका हुन्। करपगाड र खदाङमा बेलीब्रिज बनेपछि यो सम्भव भएको हो।

ठूलीभेरी नदीमाथि बेलीब्रिज बनेपछि गाडी त्रिपुराकोटसम्म सहजै पुग्न थालेका त्रिपुराकोटकी मनमाया न्यौपानेले बताइन्।

यसपटक जाजरकोट र रुकुमपश्चिम जोड्न ठूलीभेरी नदीमा सानो बेलीब्रिज बनाइएको छ। यही बेलीब्रिजका कारण सवारीसाधन तथा मालबाहक साधन सोझै त्रिपुराकोटसम्म पुग्न सकेका छन्।

रुकुमपश्चिमको आठबीसकोट नगरपालिकामा पनि वर्षामा बढ्ने खोलाका कारण सवारी रोकिन सक्छन्। हिउँदमा सुक्ने यी खोलाका कारण वर्षामा सवारीसाधन रोकिन्छन्।

उपमखोला र रिजिगाडमा पुल बन्नुपर्नेछ। डोल्पाको खदाङपछि आउने चुङ्गाड र छलगाडमा पनि पुल निर्माण भएपछि सवारीसाधन वर्षामा पनि चल्न सक्छन्।

त्रिपुराकोटमा पनि बेलीब्रिज निर्माणको काम भइरहेको छ। त्रिपुराकोटबाट सुपपानी हुँदै दुनै पुग्दा रुपगाडमा पनि अर्को पुल बन्नुपर्ने छ। यहाँ पनि बेलीब्रिज निर्माणको काम भइरहेको छ।

उक्त पुल निर्माणपश्चात डोल्पा सदरमुकाम दुनै सजिलो हुने छ। बीचबीचमा पुल बन्ने र बनाउने काम भइरहेको छ।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved