एसी मिलानले जित्यो सिरी ए फुटबलको उपाधि

काठमाडौं। यस सिजनको इटालियन सिरी ए फुटबलको उपाधि एसी मिलानले ११ वर्षपछि जितेको छ।

गएराति भएको आफ्नो अन्तिम लिग खेलमा सासोउलोमाथि ३–० गोल अन्तरको शानदार जित निकाल्दै एसी मिलानले उपाधि हात पारेको हो।

१९ औँ पटक लिगको उपाधि जित्ने क्रममा एसी मिलान ११ वर्षपछि च्याम्पियन बनेको हो। उसको जितमा ओलिभर जिरुडले दुई गोल गरे।

सासोउलोको घरेलु मैदानमा मिलानलाई शुरुआती अग्रता दिलाउने क्रममा जिरुडले खेलको १७ औँ मिनेटमा पहिलो गोल गरे। उनले ३२ औँ मिनेटमा व्यिक्तिगत दोस्रो गरे।

खेलको ३६ औँ मिनेटमा फ्रान्क केस्सीले गोल गर्दै मिलानलाई ३–० को जित दिलाए। ३८ खेलमा ८६ अंक जोडेको मिलानले दोस्रो स्थानको इन्टर मिलानलाई २ अंकले पछि पार्दै लिग उपाधि जितेको हो।

Our people, our colours: this is #ACMilan, we are the CHAMPIONS OF ITALY ❤️🖤🇮🇹

La nostra gente, i nostri colori: niente è più bello! Festeggiamo rossoneri, SIAMO CAMPIONI D’ITALIA! ❤️🖤🇮🇹#AlwaysWithYou #SempreMilan #SassuoloMilan pic.twitter.com/L8gw79K5nT

— AC Milan (@acmilan) May 22, 2022