काठमाडौं। सानिमा लाइफ इन्स्योरेन्सले नयाँ बीमा योजना ल्याएको छ। कम्पनीले ‘सानिमा धनपति अग्रिम सावधिक जीवन बीमालेख’ जारी गर्दै बिमितहरूका लागि विशेष योजना ल्याएको हो।
कम्पनीले आर्थिक वर्ष २०७६/०७७ सम्मको बिमाङ्कीय मूल्यांकनअनुसार मुनाफामा सरिक हुने सम्पूर्ण बीमालेखहरूको लागि उक्त वर्षको प्रतिवर्ष प्रतिहजार बोनश निर्धारण गरिएको छ।
जारी सूचनाअनुसार, १२ वर्षे बीमालेखले ४ वर्षको अवधि पूरा गरेको छ भने बीमाङ्क रकमको २५ प्रतिशत भुक्तानी गरिने छ।
यसैगरी १२ वर्षे बीमालेखाले ८ वर्ष पूरा गरेको छ भने २५ प्रतिशत रकम र १२ वर्ष नै पुरा गरेको छ भने ५० प्रतिशत बोनश रकम भुक्तानी पाउने छ।
कम्पनीकाअनुसार १५ वर्षे बीमालेखले ५ र १० वर्षको अवधि पुरा गरेको छ भने २५ प्रतिशत र १५ वर्ष नै पूरा गरेको छ भने ५० प्रतिशत बोनस पाउने छ।
यस्तै, २० वर्षे बीमालेख योजनाले ५, १० र १५ वर्षको अवधि पूरा गरेको छ भने २० प्रतिशत बोनश दिनेछ। २० वर्ष नै पूरा गरेकाको लागि भने ४० प्रतिशत बोनश दिने घोषणा कम्पनीले गरेको छ तर, बीमा अवधिभित्र बिमितको मृत्यु भएमा भने कम्पनीले नियमअनुसारको बोनस र रकम भुक्तानी दिने कम्पनीले जनाएको छ।
कम्पनीले दुर्घटना बीमा मृत्युलाभ र पूर्ण अशक्ततता र तथा बीमा शुल्क छुट सुविधाबारे जानकारी दिएको छ।
कम्पनीले न्यूनत ११ वर्षदेखि ७० वर्ष उमेरसमूहका व्यक्तिको बीमा गर्दै आएको छ। यो उमेर समूहका व्यक्तिहरूका लागि न्यूनतम ५० हजार र अधिकतम आम्दानीअनुसारको बीमाङ्क रकम तोकिएको छ।
Facebook Comment
Comment