मन्त्री रेणु यादवको अभिव्यक्ति अपराध हो : कांग्रेस नेता पौडेल

नेपाली कांग्रेसका नेता प्रदीप पौडेलले पनि संघीय मन्त्री रेणु यादवको अभिव्यक्ति पदीय मर्यादाबाहिरको रहेको लेखेका छन्। शनिबार एक ट्वीट गर्दै नेता पौडेलले फरक मत र विचार राख्ने अधिकार सबैलाई भए पनि शैली मर्यादित हुनुपर्ने उल्लेख गरे।

मन्त्री यादवको अभिव्यक्ति राजनीतिक मर्यादा विपरीत छ।फरक मत र विचार राख्ने अधिकार सबैलाई हुन्छ तर शैली मर्यादित हुनुपर्छ।हिंसालाई प्रोत्साहन दिने,द्वन्द निम्त्याउने अभिब्यक्ती सामाजिक र कानुनी रूपमा अपराध हुन्।अझ जिम्मेवार ब्यक्ति बाट यस्ता अभिव्यक्ति आउनु पदिय मर्यादा बिपरित हो।

— Pradip Paudel (@paudelpradipNC) January 22, 2022

हिंसालाई प्रोत्साहन दिने,द्वन्द्व निम्त्याउने अभिव्यक्ति सामाजिक र कानुनी रूपमा अपराध हुने उनले लेखेका छन्।

संघीय सरकारकी भौतिक पूर्वाधार तथा यातायात मन्त्री यादवले रौतहटको गौरमा जनमत पार्टीका अध्यक्ष सीके राउतलाई लक्षित गर्दै हिंसा भड्काउने अभिव्यक्ति दिएकी थिइन्।

उनको उक्त अभिव्यक्तिप्रति नेताहरूले विरोध जनाउँदै आइरहेका छन्। आज कांग्रेस महामन्त्री विश्वप्रकाश शर्माले त मन्त्री यादवलाई पदबाट बर्खास्त गर्न प्रधानमन्त्री शेरबहादुर देउवासँग आग्रह नै गरेका थिए।