शेखर कोइरालाकालागि भोट माग्दै गगन, मिनेन्द्र र चन्द्र

कांग्रेसको १४औँ महाधिवेशन अन्तर्गत सभापति चयनका लागि दोस्रो चरणको मतदानमा गगन थापा, चन्द्र भण्डारी र मिनेन्द्र रिजाललगायतले भोट मागिरहेका छन्।

नेपालभ्युज

काठमाडौँ। नेपाली कांग्रेसको १४औँ महाधिवेशन अन्तर्गत सभापति चयनका लागि दोस्रो चरणको मतदानमा गगन थापा, चन्द्र भण्डारी र मिनेन्द्र रिजाललगायतले भोट मागिरहेका छन्।

उनीहरूले आफ्ना प्यानलका सभापतिका उम्मेदवार शेखर कोइरालाको लागि मत मागिरहेका छन्। भण्डारी शेखरको प्यानलबाट उपसभापतिका उम्मेदवार हुन्। थापा र रिजाल भने महामन्त्रीका उम्मेदवार हुन्।

दोस्रो चरणको जारी मतदानमा शेरबहादुर देउवा र कोइरालाबीच प्रतिस्पर्धा भइरहेको छ। यसकारण उनीहरूले आफ्ना प्यानलका सभापतिका लागि मत मागेका हुन्।

पहिलो चरणमा कुनै पनि उम्मेदवारले ५० प्रतिशतभन्दा बढी मत ल्याउन नसकेपछि दोस्रो चरणको मतदान भएको हो।