कांग्रेस १४ औँ महाधिवेशन

मतगणना अपडेट: १२ सय मत गन्दा देउवालाई ११७ मतको अग्रता

सभापति पदका प्रत्याशी शेरबहादुर देउवाले ५७२ मत ल्याउँदा अर्का प्रत्याशी डा. शेखर कोइरालाले ४५५ मत प्राप्त गरेका छन्।

नेपालभ्युज

मतगणना अपडेट: १२ सय मत गन्दा देउवालाई ११७ मतको अग्रता

काठमाडौं। सत्तारूढ दल नेपाली कांग्रेसको १४ औँ महाधिवेशन अन्तर्गत नेतृत्व चयनका लागि भएको निर्वाचनको मतगणना अहिले जारी छ।

बिहान चार बजेपछि शुरु भएको मतगणनामा अहिलेसम्म एक हजार २०० मत गनिसकिएको छ। भृकुटीमण्डपस्थित राष्ट्रिय सभागृहमा जारी मतगणनामा सभापति पदका प्रत्याशी शेरबहादुर देउवाले ५७२ मत ल्याउँदा अर्का प्रत्याशी डा. शेखर कोइरालाले ४५५ मत प्राप्त गरेका छन्।

कांग्रेसको नयाँ नेतृत्व छान्नका लागि चार हजार ७४३ जना महाधिवेशन प्रतिनिधि चुनिएका थिए। जसमध्ये ६४ जना प्रतिनिधिले मतदानमा भाग लिएनन्। चार हजार ६७९ जना प्रतिनिधिले मात्रै मतदान गरे।

कांग्रेसको मतदान गएराति ११ बजे सकिएको थियो। तोकिएको समयमा मतदान नसकिएपछि निर्वाचन समितिले पटकपटक समय थप गर्दा मतदान प्रक्रिया रातिसम्म लम्बिएको थियो।

सभापतिको मतगणना सकिएपछि मात्रै अन्य पदाधिकारी तथा सदस्यहरुको मतगणना शुरु हुने निर्वाचन समितिले जनाएको छ। गत २४ मंसीरमा शुरु भएको १४ औँ महाधिवेशनमा हिजो मध्यान्ह मात्रै मतदान शुरु भएको थियो।

कांग्रेसको नेतृत्वका लागि देउवा, कोइरालासँगै प्रकाशमान सिंह, विमलेन्द्र निधि र कल्याण गुरुङबीच चुनाव भएको हो। यीमध्ये एक उम्मेदवारले ५० प्रतिशत मत नल्याए धेरै मत ल्याउने दुई उम्मेदवारबीच दोस्रो चरणमा चुनाव हुनेछ।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved