ए डिभिजन लिग फुटबल

मनाङ र संकटा तथा च्यासल र एनआरटी भिड्दै

आजको पहिलो खेलमा अपराजित मनाङ मर्स्याङदी लगातार तेस्रो जितको खोजीमा रहँदा संकटा क्लब दोस्रो जितको खोजीमा हुनेछ। खेल दिउँसो एक बजे शुरु हुनेछ।

काठमाडौं। शहीद स्मारक ए डिभिजन लिग फुटबल अन्तर्गत आज दुई खेल हुँदैछन्। तेस्रो चरणको खेल शुरु भएसँगै दशरथ रंगशालामा आज दुई खेल हुन लागेका हुन्।

मनाङले लिगमा दुई खेलबाट ६ अंक जोडेर दोस्रो स्थानमा रहँदा दुई खेलबाट चार अंक बटुलेको संकटा मनाङमाथि जित निकाल्ने दाउमा छ।

आजै लिगको अर्को खेलमा च्यासल युथ क्लब र न्यूरोड टिम एनआरटीबीच प्रतिस्पर्धा हुनेछ । साँझ पौने पाँच बजे यी दुई बीचको खेल शुरु हुनेछ।

च्यासल दोस्रो जितको खोजीमा हुँदा एनआरटी भने पहिलो जितको खोजीमा छ। लिगका दुई खेलबाट च्यासलले तीन अंक जाडेको छ भने एनआरटीले मात्र एक अंक बटुलेको छ।

लोकप्रिय (यो साता)