जनकपुर। नेकपा माओवादी केन्द्रका नेता गिरिराजमणि पोखरेलले देशलाई नयाँ उचाईमा लैजान समाजवादी क्रान्तिको आवश्यकता रहेको बताएका छन्।
महोत्तरीको भंगहा नगरपालिकास्तरीय माओवादी केन्द्रको पहिलो नगर अधिवेशनलाई सम्बोधन गर्दै नेता पोखरेलले देश र समाजमा रहेको विभेद र असमानताको अन्त्य नभएकाले यी सबै अन्त्यका लागि समाजवादी क्रान्तिको झण्डा उठाउनुपर्ने बताए।
नेकपा माओवादी केन्द्रका स्कूल विभागका प्रमुख समेत रहेका पोखरेलले पार्टीको संगठनलाई जनतासँग जोड्दै विधि र पद्धतिमा अब माओवादी केन्द्र संचालन हुने बताए।
उनले भने, ‘‘हाम्रो पार्टीको ७ लाख संगठित सदस्य छन्। स्वातन्त्रत ढंगले पार्टीको संगठन निर्माण गर्न सकिएन भने अरुको बैशाखीमा टेकेर समाजवादी क्रान्ति सफल हुनसक्दैन।’’
उनले १२५ जाती र १२३ भाषाभाषी भएको देशलाई नयाँ उचाईमा लैजान समाजवादी क्रान्तिको आवश्यकता रहेको उल्लेख गरे।
पूर्व शिक्षामन्त्री समेत रहेका पोखरेलले मधेश रुपान्तरणका लागि सामाजिक एवं सांस्कृतिक जागरणको अभियान चलाउनुपर्ने बताउँदै समाजमा छुवाछुत र अन्धविश्वासविरुद्ध लड्नुपर्ने बताए।
Facebook Comment
Comment