आगलागीबाट तीन बालकको मृत्यु

नेपालभ्युज

हेलम्बु। सिन्धुपाल्चोकमा आगलागीमा परेर तीन बालको निधन भएको छ।

हेलम्बु गाउँपालिका-७ सुर्सिङ गाउँको झाँक्रीटोलमा आगलागी हुँदा तीन बालकको मृत्यु भएको हो।

स्थानीय सञ्च तामाङको गोठमा आगलागी हुँदा उनीहरुको ज्यान गएको हो।

मृत्यु हुनेमा सञ्च तामाङका छोरा ६ वर्षीय मनोज तामाङ, सोही गाउँका सुकमान तामाङका छोरा पाँच वर्षीय मनिष तामाङ र सोही गाउँका साइला तामाङका छोरा पाँच वर्षीय दिलबहादुर तामाङ रहेको प्रहरी नायब उपरीक्षक दक्षकुमार बस्नेतले जानकारी दिए।

ढुङ्गा, माटो र टिनले छाएको एकतले गोठमा सोमबार साँझ मकैको ढोड र सुकेको नलमा आगो सल्किँदा आगलागी भएको प्रहरीले जनाएको छ।