विश्वासको मत लिँदै प्रदेश १ का मुख्यमन्त्री राई

प्रदेश १ को प्रदेशसभामा अहिले ९२ जना सदस्य कायम छन्। जसमध्ये ४७ मत ल्याएमा राईले विश्वासको मत पाउँछन्। गठबन्धनसँग अहिले ५० मत रहेको बताइएको छ।

नेपाल भ्यूज

विश्वासको मत लिँदै प्रदेश १ का मुख्यमन्त्री राई

काठमाडौं। नेकपा (एकीकृत समाजवादी)को तर्फबाट प्रदेश १ को मुख्यमन्त्री बनेका राजेन्द्र राईले आज विश्वासको मत लिँदै छन्। आज बस्ने प्रदेशसभाको बैठकमा उनले विश्वासको मत लिन लागेका हुन्।

राई प्रदेशसभाको मंगलबारकै बैठकबाट विश्वासको मत लिने तयारीमा रहे पनि हिजो बैठक बस्न सकेन। नेपाल बन्दलाई कारण देखाउँदै प्रमुख प्रतिपक्षी दल नेकपा एमालेका सांसदहरु बैठकमा नआएपछि हिजो स्थगित भएको थियो।

प्रदेश १ को प्रदेशसभामा अहिले ९२ जना सदस्य कायम छन्। जसमध्ये ४७ मत ल्याएमा राईले विश्वासको मत पाउँछन्। गठबन्धनसँग अहिले ५० मत रहेको बताइएको छ।

पाँच दलीय गठबन्धनको तर्फबाट एकीकृत समाजवादीका राई गत १६ कात्तिकमा प्रदेश १ को मुख्यमन्त्री बनेका थिए। तत्कालीन मुख्यमन्त्री भीम आचार्यले पदबाट राजीनामा दिएपछि उनी मुख्यमन्त्री भएका हुन्।

राईले विश्वासको मत लिएपछि मात्रै प्रदेश १ को मन्त्रिपरिषद्लाई पूर्णता दिने गठबन्धनमा सहमति बनेको छ। सोही कारण राईले सरकारलाई पूर्णता दिएका छैनन्।

राईलाई मुख्यमन्त्री बनाउन गठबन्धनमा रहेका कांग्रेस, माओवादी केन्द्र, जनता समाजवादी र संयुक्त लोकतान्त्रिक राष्ट्रिय मञ्चले समर्थन गरेका छन्।

गठबन्धनसँग अहिले ५० सांसद छन्। जसमध्ये कांग्रेसका २१, माओवादी केन्द्रका १५, नेकपा एकीकृत समाजवादीका १०, जसपाका ३ र संघीय लोकतान्त्रिक मञ्चका १ जना सांसद छन्।

Leave a Reply

Your email address will not be published. Required fields are marked *

सम्बन्धित

ट्रेन्डिङ

Copyright © 2022 Digital House Nepal Pvt. Ltd. - All rights reserved