चितवनमा महाधिवेशन सारेर केपी ओलीले गल्ती गरे–प्रचण्ड

नेपालभ्युज

नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले नेकपा एमालेले चितवनमा महाधिवेशन सारेर गल्ती गरेको बताएका छन् ।
माओवादी केन्द्र भरतपुर महानगर समितिले शुक्रबार गरेको शुभकामना आदान–प्रदान तथा कार्यकर्ता भेटघाट कार्यक्रमलाई सम्बोधन गर्दै अध्यक्ष प्रचण्डले बुटवलबाट महाधिवेशन चितवन सारेर ओलीको अर्को गल्ती गरेको टिप्पणी गरे ।

‘बुटवलमा तय भइसकेको महाधिवेशन एकाएक चितवनमा सारेर केपी ओलीले ठुलो अर्को गल्ती गरे, यो ओली हारेको प्रमाण हो’–अध्यक्ष प्रचण्डले भने ।
उनले बुटवलबाट महाधिवेशन ल्याए पनि यसको फाइदा आफैले उठाउने दाबी गरे ।