सोमबार १ लाख डोज फाइजर खोप नेपाल आइपुग्ने

नेपाल भ्यूज

सोमबार १ लाख डोज फाइजर खोप नेपाल आइपुग्ने

काठमाडौं। सोमबार अमेरिकाले अनुदानमा दिने भनेको १ लाख डोज खोप नेपाल आइपुग्ने भएको छ। नेपालस्थित अमेरिकी राजदूताबासले सामाजिक सञ्जाल ट्विटरमार्फत सोमबार १ लाख ६२० डोज खोप नेपाल आइपुग्ने जनाएको छ।

अमेरिकाले यसअघि १५ लाख डोज जोनसन एण्ड जोनसन खोप नेपाललाई अनुदानमा दिएको थियो ।

फाइजर खोप विशेषगरी १२ देखि १८ वर्षसम्मका बालबालिकालाई लगाइन्छ। यद्यपि, स्वास्थ्य तथा जनसंख्या मन्त्रालयले यसअघि नै नेपाल आउन लागेको फाइजर खोप दीर्घ रोगीलाई दिने बताएको छ।

शुरुमा यो खोप बालबालिकालाई लगाउने भनिएपनि अहिले दीर्घरोगीहरूलाई लगाउने योजना रहेको मन्त्रालयका प्रवक्ता डा.कृष्ण प्रसाद पौडेलले बताएका छन्।

‘‘यो खोप लामो समयदेखि औषधि सेवन गरिहेका, मुटु र चिनीरोग जस्ता दीर्घरोगीलाई लगाइने योजना रहेको छ,” उनले भने।

तपाईंलाई नेपाल भ्यूज कस्तो लागिरहेको छ ? तपाईंले हामीलाई फेसबुक, युट्युब, ट्विटर, टिकटक मार्फत् सल्लाह, सुझाव र प्रतिक्रिया दिन सक्नुहुन्छ ।

Leave a Reply

Your email address will not be published. Required fields are marked *

सम्बन्धित

ट्रेन्डिङ

Copyright © 2021 Digital House Nepal Pvt. Ltd. - All rights reserved