शिक्षा एक सिकाइको प्रक्रिया हो, जसको प्रमुख भूमिकामा शिक्षक रहेका हुन्छन् । तर, हरेक शिक्षक शिक्षण सिकाइका सबालमा अब्बल हुँदैनन् । एउटा असल शिक्षक हुनका लागि शिक्षकहरुमा विभिन्न गुणहरु हुनुपर्दछ ।
एक सफल शिक्षक बन्नका लागि बदलिँदो समय र प्रविधिमा अपडेट रहनुपर्छ । शिक्षकहरु आफैंमा विविध हुन सक्छन् । विद्यार्थीको सफलताका लागि शिक्षकको योगदान महत्वपूर्ण हुन्छ ।
सर्वश्रेष्ठ शिक्षक बन्ने केही उपायहरु यसप्रकार रहेका छन् :-
तयारी
शिक्षकलाई आफूले अध्यापन गराउने विषयबारे थाहा हुनु जरुरी छ ।
असल शिक्षकले आफ्ना योजना र अध्यापनका लागि दैनिक पाठ तयार गर्दछ ।
समयनिष्ठता
असल शिक्षक विद्यालय र कक्षाकोठामा सधैं समयमा आउँछ ।
कक्षामा पठनपाठन समयमा सुरु र समाप्त गराउँछ ।
विद्यार्थीहरुलाई समयमा आउनका लागि प्रोत्साहित गर्दछ ।
समर्थन र चिन्ता
असल शिक्षकले विद्यार्थीहरुसँग समय लिन्छ ।
विद्यार्थीहरुलाई रचनात्मकताको लागि अनुमति दिन्छ ।
विद्यार्थीमैत्री वातावरण सिर्जना गर्छ र विनम्र बन्छ ।
सहयोगी र उत्साहजनक प्रस्तुति रहन्छ ।
शिष्टाचार
एउटा असल शिक्षकले विद्यार्थीहरुलाई सम्मान गर्दछ ।
कक्षामा विद्यार्थीहरुलाई लाजमर्दो हुनबाट बचाउँछ ।
व्यक्तिगत विषयमा ध्यानसहित सहायता प्रदान गर्दछ ।
स्पष्ट बुझाइसहित व्यक्तिगत मतभेद स्वीकार गर्दछ ।
सिकाउने कार्यसँग रमाइलोको भाव सिर्जना गर्दछ ।
खराब बानी हटाउँछ, विद्यार्थीहरुको आलोचना गर्दैन ।
विद्यार्थीहरुको उच्च अपेक्षाहरु पूरा गर्दछ ।
नम्र र निष्पक्ष बन्छ ।
विविधताको उपयोग गर्दै सहजताको लागि अनुमति दिन्छ ।
Facebook Comment
Comment